“Cərimə meydançası daxilinə iki nəfərlə gedib, necə qol vurmaq istəyirik?” – Aslan Kərimov
Yığmamız UEFA Millətlər Liqasında 3-cü turunda səfərdə Estoniyaya 1:3 hesabı ilə uduzdu. Oyundan sonra Fernando Santuşun bu oyun üçün seçdiyi taktikanı tənqid edənlər də çoxdu.
Doğrudanmı məğlubiyyət portuqaliyalı çalışdırıcının seçdiyi taktika ilə bağlı idi?
“Football-plus.az” bu sualı təcrübəli mütəxəssis Aslan Kərimova ünvanladı:
“Taktiki baxımdan da oyunun bir neçə hissəsində səhvə yol verdik. Ramil Şeydayevin formada olmadığı görünür. Cinah futbolçularımız Elvin Cəfərquliyevlə Abbas Hüseynov meydanda yaxşı mübarizə apardılar. Nə qədər lazımdısa, işlədilər. Cərimə meydançası daxilinə iki nəfərlə gedib, necə qol vurmaq istəyirik? Cinahdan kimsə qoşulursa, birisi cərimə meydançasına daxil olmalıdı. Amma girmirsənsə, qol vurmaq mümkün deyil”.
ƏSƏD SEYİDOV
