"Yayılan informasiyalar həqiqəti əks etdirmir. Bu haqda yalnız saytlardan və sosial şəbəkələrdən oxuyuram. "Neftçi"dən mənimlə heç kim əlaqə saxlamayıb".

"Neftçi"də yalnız yerli məşqçilər uğur qazana bilər. Son illərdə bir neçə əcnəbi məşqçiylə razılıq əldə olunsa da, müqavilə müddəti başa çatmadan yolları ayırıblar. Legioner məşqçi Azərbaycana gəlib ölkəyə uyğunlaşana, futbolçuları tanıyana qədər çox şey itirilir. Bu mənada Roman Qriqorçuk yaxşı seçim idi. Ona görə ki, daha əvvəl Azərbaycanda çalışıb, futbolumuza bələddi. Məncə, onunla Emin Mahmudov arasında hansısa problemlər yarandı. Təbii ki, belə olmaya bilər. Lakin fikrimcə, kapitan sarğısının Emindən alınması anlaşmazlığa səbəb oldu. Nəticədə həm "Neftçi", həm Qriqorçuk, həm Emin, həm də azarkeşlər uduzdu. Üçüncü şəxs lazım idi ki, tərəfləri barışdırsın, amma olmadı. Bu problemdən heç kim heç nə qazanmadı. Təbii ki, uğursuzluğun səbəbləri çoxdu. Lakin vurğuladığım məqam hadisələrin axarının bu həddə gəlməsində vacib rol oynadı".