Yeni baş məşqçi əcnəbi olacaq, yoxsa yerli? – “Neftçi” rəsmisi cavabladı
Roman Qriqorçukun “Neftçi”nin baş məşqçisi postundan ayrılmasının ardından gündəmi bu sual zəbt edib: yeni çalışdırıcı əcnəbi olacaq, yoxsa yerli?
Belədə klubun mövzuyla bağlı mövqeyini öyrənməyi lazım bildik. “Ağ-qaralar”ın mətbuat xidmətinin rəhbəri Asəf Zeynallının “Football-plus.az”a cavabı qısa oldu:
“Yeni baş məşqçinin təyin olunması yönündə prosesə start verilib. Hansısa mütəxəssislə rəsmi razılaşma olduğu təqdirdə ictimaiyyətə məlumat veriləcək”.
Xatırladaq ki, sabiq baş məşqçi Roman Qriqorçuk bakılıları meydana çıxardığı 9 matçda qələbə qazana bilməyib.
KƏNAN BAHADIR
