''İki sabiq klubumun xanımlarının Çempionlar Liqasındakı oyununu böyük maraqla izlədim. ''Lion'' bu sahəyə böyük pullar ayıran və ənənələrə malik olan bir klubdu. ''Qalatasaray'' isə məni yaxşı mənada təəccübləndirdi. Onları sonuncu dəfə 2017-də izləmişdim və o vaxtdan bu yana böyük inkişaf hiss olunur. Düzdü, 0:3 hesabı ilə uduzdular. Amma ÇL-də təcrübəsiz olduqlarını və rəqibin gücünü nəzərə aldıqda bu, normaldı. Bütün bunları bir kənara qoysaq ''Qalatasaray''lı xanımları ayaq üstə alqışladım. ''Qalatasaray'' ruhunu meydanda nümayiş etdirdilər. Oyundan sonra da zatən yanlarına gedərək təbrik etdim''. Jurnalist Yakup Çınarın məlumatına görə 39 yaşlı futbolçu oyundan sonra ''Qalatasaray''ın hər üzvünə 300 avro mükafat verib. Qeyd edək ki, Türkiyənin son çempionu statusunda olan ''Qalatasaray''lı xanımlar qrupda ikinci oyunu oktyabrın 17-də evdə ''Roma''ya qarşı keçirəcəklər. Qomisin isə hazırda Yaponiya təmsilçisi ''Kavasaki''də çıxış etdiyini bildirək.