Bu yay Hakan Çalhanoğlunu transfer etmək istəyən, amma arzusuna çatmayan ''Bavariya''nın türkiyəli ulduzdan vaz keçmədiyi məlum olub.

Yarımmüdafiə xəttini gücləndirmək istəyən Münhen nəhəngi yenidən diqqətini Çalhanoğluya yönəldib. İtaliya mətbuatındakı iddialara görə ''Bavariya'' yaxın müddətdə ''İnter''ə yeni təklif irəli sürməyə hazırlaşır. 30 yaşlı futbolçunun Milan nəhəngi ilə 2027-ci ilə qədər müqaviləsi var.

Xəbərdə qeyd olunub ki, ''İnter'' rəhbərliyi heyəti bir qədər gəncləşdirməyin əleyhinə deyil. Ona görə də ''Bavariya'' tərəfdən ən azı 50 milyon avroluq təklif gəlsə, ''neradzurra'' bunu nəzərdən keçirməyə hazırdı. Keçid bu məbləğə baş tutsa, Hakan həm də tarixdə ən baha qiymətə transferi reallaşan türkiyəli futbolçuya çevriləcək.

Türkiyə yığmasının kapitanı bu mövsüm 8 rəsmi oyuna çıxaraq 2 qol vurub.

ƏLİ