“Tottenhem”i bir kənara qoyaq, orda oyunöncəsi problemlər olub, həm də çox yaxşı rəqib idi. “Tottenhem”ə qarşı oynamaq istənilən şəraitdə çətindi. Amma “Malmö” ilə oyunda belə nəticə gözləmirdik. Burda bir qədər sıxıntılar vardı. Komanda şəklində bu uşaqları tanıyıram, klubun üzvüyəm, yəni daha çoxunu ortaya qoya bilərdilər. Amma kənardan görünürdü ki, nəsə mane olurdu potensiallarını tam açmağa. "Qarabağ" bundan yaxşı oyun nümayiş etdirə bilir. İnanıram ki, gələn oyunlarda belə durumlardan çıxa biləcəklər. Ona görə ki, potensial və keyfiyyət "Qarabağ"da çox yüksəkdi”.

“Fərqi yoxdu "Qarabağ"da kapitan kimdi, orda artıq oturuşmuş sistem var. Hər şey baş məşqçinin əlindədi. O, bütün futbolçulara, hətta kapitanlara da göstəriş verə bilir. Bütün futbolçular onun göstərişini yerinə yetirirlər. Mən oynayanda, yəni klubda olanda Zubir də, Bədavi də kapitan olub. Onlar da çalışıblar ki, ən yaxşısını ortaya qoysunlar, komandanı idarə etsinlər. Hardasa alınır, hardasa alınmır. Bu, normaldı. Çünki özləri də oyunda olanda bütün komponentləri yerinə yetirmək bir az çətin olur. Amma yenə də görünür ki, çalışırlar. Belə davam etsələr, yaxşı nəticələr olacaq. Buna əminəm”.