Rafael Varanın “Komo”dakı karyerası alınmayıb.

"Football-plus.az" xəbər verir ki, fransalı müdafiəçi peşəkar futbolçu həyatını başa vurmaq qərarına gəlib.

Bu barədə o, özü açıqlama yayıb. 31 yaşlı dünya çempionu futbolla vidalaşmağa məcbur qalaraq qərar verib. Rafael “Komo”ya bu yay azad agent kimi qoşulmuşdu. Ulduz futbolçu İtaliya klubunda keçirdiyi ilk oyunda ciddi zədə almışdı. Onun yaşıl meydandan uzun müddət kənarda qalacağı məlum olmuşdu. Bir müddət sonra “Komo” rəhbərliyi Varanın adını A seriyasında mövsüm üçün iştirak ərizəsindən kənarlaşdırmışdı. Hər halda hər iki tərəf üçün təəssüf doğurucu haldı: A seriyasına uzun illərdən sonra bu yay qayıdan komolular fransalı oyunçudan yalnız 23 dəqiqə yararlana bildilər...

“Lans”ın yütirməsi olan Varan peşəkar karyerasının ilk ilində - 2010/11 mövsümündə Fransa klunda çıxış edib. Sonra “Real”ın (2011-21) və “Mançester Yunayted”in (2021-24) formasını geyib. Onun sıralarında 2018-ci ildə dünya çempionu olduğu Fransa yığmasında 93 oyuna 5 qol vurduğunu da bildirək.