“Oyuna baxdım, açığı, çox maraqlı keçdi. Son vaxtlar “Turan Tovuz”un oyunları, doğrudan da, maraqlı, dinamik, əsl futbol ab-havasında keçir. Bu oyun da istisna deyildi. Hakim Elçin Məsiyev beynəlxalq dərəcəli hakimdi. İdarəçiliyi yaxşı idi, məlum epizodu çıxmaq şərti ilə. Oyunun əvvəli idi. Epizodu bir qədər də incələmək lazımdı. Təlimatda göstərilir ki, sifətə dirsək zərbəsi dəyən kimi futbolçuya avtomatik qırmızı vərəqə verilir. Burda da ayaqla sifət nayihəsinə dəydi. İncələmək lazımdı ki, həddən artıq güc vardı, ya yox. Buna əsasən baş hakimin verdiyi qərarla razılaşmaq olar. Ancaq “qırmızı” üçün qəddarcasına davranış olmalıdı. Məsiyev qırmızı vərəqə versəydi, onu heç kim qınamazdı. Çünki ortada xəsarət var. Sarı vərəqəni də yəqin düşünmədən rəqibə zərbənin nəticəsi kimi verdi. Lakin Maçado Millerin üzünə ayaq qaldıraraq vurur. Fikrimcə, bu epizod qırmızı vərəqəlik idi. Bu epizodda futbolçunu daha yüngül cəzalandırdı, amma meydandan qova bilərdi. Onda heç kim deməyəcəkdi ki, niyə o qərarı verdin”.