AFFA Hakimlər Komitəsi Məsiyevin qərarından danışdı - "Turan Tovuz"a haqsızlıq edilib?
AFFA Hakimlər Komitəsinin sədri Frank De Blekere Misli premyer-liqasının 7-ci turunda keçirilən "Turan Tovuz” - "Araz-Naxçıvan" oyununda (1:2) qeydə alınan mübahisəli epizod haqda açıqlama verib.
"Football-plus.az" xəbər verir ki, oyunda top uğrunda mübarizə zamanı "Araz-Naxçıvan"ın futbolçusu Ramon Maçado rəqibin müdafiəçisi Roderik Millerin üzünə ayağı ilə vurub. Miller bu zərbədən sonra oyunu davam etdirə bilməyib. Elçin Məsiyev isə Maçadoya sarı vərəqə göstərib.
Frank De Blekere isə Məsiyevin qərarının doğru olduğunu bildirib. O, FİFA referisinin qərarını belə izah edib:
"Top havada olan zaman “Araz-Naxçıvan”ın oyunçusu Ramon Maçado topa oynamaq istəyir və ayağının ucu ilə “Turan-Tovuz”un futbolçusu Roderik Millerin baş nahiyəsinə zərbə endirir. Hakim oyunçunun düşüncəsiz davranışına görə ona sarı vərəqə göstərir.
Təlimatlara əsasən, “Araz-Naxçıvan”ın oyunçusunun topa baxdığını və topa oynamaq istədiyini nəzərə alaraq, verilən sarı vərəqəni dəstəkləyirik. O, ayağının ucu ilə (butsun altı ilə deyil) müdafiəçinin başına/üzünə aşağı intensivliklə və o qədər də güclü olmayan zərbə endirir. Təhlükəli vəziyyət olsa da, “Araz-Naxçıvan”ın oyunçusunun etdiyi qəsdən təmas/qayda pozuntusu deyil".
Təlimatlara əsasən, “Araz-Naxçıvan”ın oyunçusunun topa baxdığını və topa oynamaq istədiyini nəzərə alaraq, verilən sarı vərəqəni dəstəkləyirik. O, ayağının ucu ilə (butsun altı ilə deyil) müdafiəçinin başına/üzünə aşağı intensivliklə və o qədər də güclü olmayan zərbə endirir. Təhlükəli vəziyyət olsa da, “Araz-Naxçıvan”ın oyunçusunun etdiyi qəsdən təmas/qayda pozuntusu deyil".
Digər xəbərlər
