"Səbail" Misli premyer-liqasının 7-ci turunda evdə "Sabah"a 2:4 hesabı ilə məğlub olub.

"Football-plus.az" xəbər verir ki,“Səbail”in baş məşqçisi Şahin Diniyev görüşdən sonra keçirilmiş mətbuat konfransında jurnalistlərin suallarını da cavablandırdı.

- Birinci dövrə sona yaxınlaşır. Autsayderlərin sırası da müəyyənləşir: "Kəpəz", "Neftçi", "Səbail". Hansısa radikal müdaxiləyə ehtiyac var....
- Üç xallıq sistemdə tələsmək lazım deyil. Hələ 7 oyun keçib. Oyunların çoxu qarşıdadı. Autsayderlər tam formalaşmayıb. Komanda yenidən qurulub. Onların birlikdə oynamasına ehtiyac var. Komandada hər oyunda irəliləyiş görünür. Qorxmuram, komanda düzgünyoldadı. Qısa zamanda nəticə olacaq. Tələsməyə ehtiyac yoxdu. Gənc komandayıq. Təcrübə baxımından çətinliyimiz var.

- Demək istəyirsiz ki, "Kəpəz" və "Neftçi"də oyun da yoxdur..
- Mən öz komandamdan danışıram. Heç bir komanda haqda danışmaq istəmirəm .Oyunumuz var və nəticə də gələcək.

- Beşinci qoldan sonra azarkeşlər də bayrağı yerə qoyub getdilər. Azarkeşlərin də komandaya inamı itib?
- Deməzdim. Azarkeşlər nəticə və qollarla yaşayır. Hesaba görə, bunu etmək normaldı. Onlar hətta 2:4-olanda da bizdən geridönüş gözləyirdilər. Bu azarkeşlərin ixtiyarına buraxılan şeydi. Qələbədən uzaq olduğumuzu görüb getdilər. O qədər bərbad vəziyyət deyilik.