"Səbail" Misli premyer-liqasının səfərdə keçirilən 3-cü tur matçında "Sumqayıt"a məğlub oldu - 1:2.

"Football-plus.az" xəbər verir ki, "dənizçilər"in baş məşqçisi Şahin Diniyev oyundan sonra keçirilən mətbuat konfransında jurnalistlərin suallarını cavablandırıb.

- Çətin və dramatik oyun keçirdik. Düşünürəm ki, ədalətli nəticə heç-heçə idi. 1 xala layiq idik. Meydançada futbol göstərdik. Son dəqiqələrdə təzyiq altında olduq. Bəsit iki qol buraxdıq. Yolumuza davam edəcəyik. Yeni komandayıq. Kollektiv düzgün yoldadı. Baxımlı oyun göstəririk. "Sumqayıt"ı təbrik edirəm. Növbəti matçlara köklənəcəyik.

- Görünür, 1 xal sizi qane edəcəkdi.
- "Sumqayıt"ın haqqını yemək doğru olmaz. Amma məncə, heç-heçə layiq idik.

- Oyun planında hansı istəklərinizi həyata keçirə bilmədiz?
- Sürətli keçidlərlə hücumlar qurmaq istəyirdik. Topa nəzarət etmək və cinahlar vasitəsilə təhlükə yaratmaq istəyirdik. Səhvlər gözləniləndi. Oyundan-oyuna ideal oyun göstərməyə çalışacağıq.

KƏNAN BAHADIR