“Bu məsələ ilə bağlı çox danışmaq səlahiyyətim yoxdu. Çünki fanklubla birlikdə qərarlar veririk. Yaxın günlərdə tribunaya qayıtmağımız barədə açıqlama veriləcək. Biz də çalışırıq ki, komandamıza dəstək olaq. İnsan ailəsində olan problemləri digər yerdə danışa bilmir. Biz də buna görə danışa bilmirik. Artıq formalaşmış şəkildə tribunaya qayıtmaq istəyirik. Düzdü ki, işlərimiz planlı şəkildə getmədi. Təminat məsələlərimiz qalıb. Fanklubun daha səviyyəli olması üçün əlimizdən gələni etməyə çalışırıq. Ölkəmizdə hörmət qazanan fanklublardan biri olduq. İkinci ilimizdə komandamız aşağı liqada mübarizə apardı və biz oyunlara getmirdik. Üçüncü ildə debütant yox, təcrübə toplamış azarkeş qrupu kimi qayıtmaq istəyirik. Qış geyim formalarımızın hazırlanması var. Bəzi eynəklər, şərflər var ki, onların hamısını təmin etməyə çalışırıq. Yeni bəstələri üzvlərə öyrətməyə çalışırıq. Fanklub bölünüb, hərə bir işi yerinə yetirir. Biri media nümayəndələrinə məlumat verir, o biri üzvlərin geyin formasına nəzarət edir. Azarkeş qrupunu yaratsam da, burda sənin-mənim söhbəti yoxdu. Bizdə dostluq və qardaşlıq prinsipi var, rəhbərlik anlayışı yoxdu. Daxili problemlərimiz yuxarıda sadaladıqlarımdı. “Şamaxı” ilə heç bir problemimiz yoxdu. Yaxın günlərdə bu problemlər həllini tapmalıdı. Ondan sonra isə tribunaya dönəcəyik. Hər il daha çox fərq yaratmalıyıq, növbəti inkşaf mərhələsindəyik”.