“Daxili problemlər həllini tapandan sonra səfər oyunlarında da olacağıq” - “Sektor-56”
“Şamaxı”nın Misli premyer-liqasının 4-cü turu çərçivəsində səfərdə “Zirə” ilə qarşılaşmadan qalib ayrıldığını xəbər vermişdik -1:0.
Amma “şirlər” əsas azarkeş qrupu olan “Sektor-56”nın dəstəyindən yararlana bilmir. Komanda ilk üç səfər matçında fanklubdan dəstək görmədi. “Football-plus.az” olaraq, bu məqamı aydınlaşdırmağa çalışdıq. “Sektor-56”nın rəhbərlərindən biri Loğman Məlikli məsələni belə şərh etdi:
“Azarkeş qrupumuzun daxilində bəzi həll ediləsi məsələlər var. Daxili problemlər həllini tapandan sonra komandamızın səfər oyunlarında da tribunada olacağıq. Bunun 1 və ya 5 tur sonra olacağını isə dəqiq deyə bilmərəm. Azarkeş qrupunun rəhbərlərindən biri olsam da, çox şeyi danışa bilmirəm. Çünki bizdə “Sektor-56”da rəhbərlik anlayışı yoxdu, qərarlar ümumi verilir. Bir yerə toplaşıb ümumi qərarlar verməliyik. Mövsümə fərqli başlamaq istəyirik. Sadəcə, hazırda daxili problemlərimiz var və onları həll etməyə çalışırıq”.
KAMAL SƏFƏR
