“Biz açıqlama vermişdik ki, ev oyunlarına getməyəcəyik. Bunu da belə izah etdilər ki, problem polislə bağlıdı. Amma əslində belə deyil. Tribunalarda darlıq olduğuna görə qərar verdik ki, komandamızın ev oyunlarına getməyək. Bunu da bəzi səhifələr götürüb şişirdib, birinin üstünə də 5-ni qoyaraq paylaşıblar. Əslində o mövzular olub. Amma biz bununla bağlı klub rəhbərliyi ilə görüşdük və məsələ həllini tapdı. İndi isə bəzi saytlar keçmiş mövzuları o qədər şişirdib ki, məsələ hətta Daxili İşlər Nazirliyinə kimi çatıb. Mən də bu adamlara izah edə bilmirəm ki, yazırsız, yayırsız, amma bu qədər şişirtməyə ehtiyac yoxdu. Yəni, məsələ budu.

O ki qaldı, fanklubun oyunlara getməkdən imtina eləməsinə, bəli, dediyim kimi, biz ev oyunlarına darlıq olduğu üçün getməyəcəyik. Stadionda fanklub üçün ayrılan yer var. Klub rəhbərliyinə dedik ki, həmin sektoru bizə verin. Onu da deyim ki, orda həm də rəqib komandanın azarkeşləri yer alır. Əslində klubun edəcəyi bir şey yoxdu. AFFA rəhbərliyi bununla bağlı bildirdi ki, iki fanklubun yanaşı əyləşməsi təhlükəsizlik baxımından mümkün deyil. Bu da bizim belə qərar verməyimizə səbəb oldu. Ev oyunlarında olmasa da, bütün səfər görüşlərində komandanın yanında olacağıq”.