“Mövsümün əvvəli həmişə bizim üçün çətin və ağır olur. Ötən “futbol ili”nin sonunda maliyyə məsələlərinə görə aparıcı oyunçuları komandada saxlaya bilmədik. Onların məvacib istəyinə qarşılıq verməkdə çətinliklə üzləşdik. Tələbləri daha yüksək idi. Yeni transferlərə gəlincə, heyətdəki futbolçular hələ komandaya tam uyğunlaşmayıb. Buna baxmayaraq, Azər müəllimin istəklərinə uyğun mövqeləri gücləndirəcəyik. O, bizim yeni baş məşqçimizdi. Komandaya inanırıq. Ümid edirik ki, qısa müddətdə qələbələr qazanmağa başlayacağıq. Sponsorumuz olmasa da, ehtiyaclarımızı qarşılamaq üçün əlimizdən gələni edirik. Azər müəllimlə danışıqlardan sonra Canal Cəfərov, Turan Manafov, Rauf Hüseynli və Pananı heyətə cəlb etmişik. Daha bir neçə oyunçu alacağıq”.