“Çatışmayan cəhətlər var ki, onları yoluna qoymaq üçün vaxtımız azdı. Qısa müddətdə bütün normalara uyğun hala gəlməliyik. Yeni transferlərin qısa müddətdə komandaya uyğunlaşması məni sevindirir. Xüsusilə Olavale Onanuqa və Vladislav Vasilyuçek fərqlənir. Əsas məqsəd futbolçuların 90 dəqiqə ərzində inamlı çıxış edə bilməsi üçün fiziki hazırlığın müəyyən səviyyəyə çatdırılmasıdı. Bundan başqa, son durumu təhlil etmək, vəziyyəti dəyərləndirib hansı mövqedə boşluqların olmasını öyrənmək vacibdi. Hələ ki bəzi mövqelərdə futbolçu çatışmazlığının olduğu sirr deyil. Yeni transferlərə ehtiyacımız var. Bu istiqamətdə çalışmalarımız davam edir. Heyətə minimum 3 oyunçu cəlb edə bilsək, daha yaxşı formaya düşə bilərik. Təəssüf ki, burda maliyyə çatışmazlığı sözünü deyir. Çalışacağıq ki, büdcəyə uyğun keçidlərin baş tutmasını təmin edək. Hələ ki komanda tam komplektləşməyib. Hətta fiziki hazırlıq da lazımi səviyyədə deyil".