Xviça Kvaratsxeliyanın hazırkı klubunda nə vaxta qədər oynayacağına hələ də aydınlıq gəlməyib.

“Napoli”nin idman direktoru Covanni Manna yarımmüdafiəçi ilə müqavilənin müddətinin uzadılmasının mümkünlüyü barədə danışıb. O, İtaliya mətbuatına açıqlamasında “onun hələ üç illik müqaviləsi var. Xviça ilə maraqlanan klublar var idi, lakin biz əməkdaşlığımızı davam etdirmək istəyirdik. İndi futbolçunun agentləri ilə müqavilənin müddətini uzatmaq üçün danışıq aparırıq” deyə bildirib.

Kvaratsxeliya ötən mövsüm  “Napoli”nin heyətində bütün turnirlərdə 45 oyun keçirib, 11 qol vurub və 9 məhsuldar ötürmə edib.