Xviça Kvaratsxeliya ilə bağlı növbəti xəbər yayılıb.

“Football-plus.az” xəbər verir ki, onun “Napoli”də qalacağı, yoxsa bu klubu tərk edəcəyi hələ ki, məlum deyil. İtaliya klubunun gürcüstanlı futbolçuya təklif etdiyi yeni müqavilənin detalları məlum olub. Yerli mənbələrin məlumatına görə, sözləşmədə 23 yaşlı vingerin maaşının 6 dəfə artırıldığı qeyd olunub. Həmçinin müqavilədə 150 milyonluq təzminatla bağlı bənd də var. Xviçanın hazırkı illik maaşı 1 milyon avrodu. Futbolçunun yeni mövsümdən ilə 6 milyon avro qazanmaq imkanı var.
Xviça ilə PSJ, “Barselona” və İngiltərə klubları maraqlanır. Daha əvvəl onun bu yay “Napoli”dən ayrılmamağa qərar verməsi haqda xəbər yayılmışdı. Xatırladaq ki, Kvaratsxeliya bu mövsüm bütün turnirlərdə 43 matçda iştirak edib, 10 qol vurub və 9 məhsuldar ötürmə edib. Onun klubla hazırkı müqaviləsinin müddəti 2027-ci ilin yayına qədər nəzərdə tutulub.