''Kərəm hər bir məşqçinin komandasında görmək istədiyi futbolçulardandı. Hər an nəticəni dəyişə biləcək istedada sahibdi. ''Qalatasaray''da dörd il ərzində çox inkişaf etdi və fərqli futbolçuya çevrildi. Dəfələrlə çətin anlarda məsuliyyəti üzərinə götürməkdən çəkinmədi. Bir çox oyundan sonra fanatlar onu çağıraraq alqışladı. Əslində Kərəm Türkiyədə futbolçu olmaq istəyən hər bir gənc üçün çox mükəmməl bir örnəkdi. O, futbolçu olmaq arzusuyla yaşayan hər kəsə daim ilham verəcək. Türkiyədə peşəkar futbolun ən aşağı səviyyəsi olan 4-cü diviziondan ölkənin ən böyük klubuna gəldi. Bu hekayənin əsası tanıdığım məşqçilərdən biri ilə olan söhbətim zamanı qoyuldu. O həmin il Kərəmin məşqçisi idi. Bir gün mənə zəng vuraraq komandasında çox istedadlı bir gənc oyunçunun olduğunu dedi və ''onu yalnız sən ulduza çevirə bilərsən'' sözünü işlətdi. Fürsətdən istifadə edərək həmin məşqçiyə təşəkkürümü bildirmək istəyirəm. Kərəmi görən kimi dərhal bəyəndim. Köməkçilərimə onu daim təqib etməyi tapşırdım. Həmin mövsümün sonunda onu heç bir məbləğ ödəmədən ''Qalatasaray''a gətirdik. Əvvəlcə debüt oyununa çıxdı və ona yavaş-yavaş daha çox şans verməyə başladım. Ona səbrli olmağı və istedadına güvənməyi məsləhət gördüm. Gələcəkdə Türkiyə futbolu üçün önəmli ulduza çevriləcəyini dedim. Həqiqətən də zaman ötdükcə yeni səviyyəyə yüksəldi. Onunla qürur duyuram. ''Benfika''ya transferi məni qətiyyən təəccübləndirmədi. Çünki Avropanın ən yaxşı vingerlərindən biridi. Yaxın zamanda Portuqaliya futbol ictimaiyyəti də bunun şahidi olacaq''.