Portuqaliya çempionatının 5-ci turunda ''Benfika'' doğma meydanda Santa Klara ilə qarşılaşdı. Qonaqlar artıq 1-ci dəqiqədə hesabda önə keçsələr də, Lissabon nəhəngi rəqibini 4:1 hesabı ilə darmadağın etdi.

''Qalatasaray''dan transfer edilən Kərəm Aktürkoğlunun Portuqaliya karyerası qolla başladı. 27-ci dəqiqədə səhnəyə çıxan istedadlı futbolçu baxımlı qol vuraraq geridönüşün əsasını qoydu.

O, Türkiyə yığmasının digər üzvü Orkun Kökçünün ötürməsindən sonra çətin vəziyyətdə olmasına rəğmən, topu saxlamadan tora göndərdi. Orkun komandasının 3-cü qolunda da aktivinə məhsuldar ötürmə yazdı.

Beləliklə, ''Benfika'' türkiyəlilərin parlaq oyun nümayiş etdirdiyi qarşılaşmada mövsümdə 3-cü qələbəsini qazandı. ''Qartallar''ın 5 turdan sonra aktivində 10 xal var (3 qələbə, 1 heç-heçə, 1 məğlubiyyət).

ƏLİ