“Fikrimiz avrokuboklara vəsiqə qazanmaqdı” – “Araz-Naxçıvan”ın futbolçusu
“Araz-Naxçıvan” 6-cı turda qələbə qazandı. Elmar Baxşıyevin komandası “Kəpəz”i məğlub etməklə 3-cü yerə şəkil oldu. Bəs “qırmızı-ağlar”ın hədəfi nədi?
Komandanın əsas oyunçularından Urfan Abbasov fikirlərini “Football-plus.az” ilə bölüşdü:
“Həftə ərzində yaxşı hazırlaşmışdıq. Milli fasilə bizə yaxşı mənada kömək oldu. Düzdü, istədiyimiz kimi oyun sərgiləyə bilmədik. Amma qələbə qazana bildik. Yaxşı nəticələr veririk. Fikrimiz avrokuboklara vəsiqə qazanmaqdı. Əlimizdən gələni edəcəyik ki, daha yaxşı nəticələr əldə edək”.
Urfan sabiq komandası “Qəbələ”nin startı barədə də fikir bildirdi:
“İlk oyununu izləyə bilmədim. Amma növbəti oyunlarda özlərini yaxşı tərəfdən göstərəcəklərinə əminəm. “Qəbələ” mənə doğma komandadı. Onlarin uğuruna ancaq sevinə bilərəm. İnaniram ki, bu il çempion “Qəbələ” olacaq”.
RÖYANƏ OĞUZ
Digər xəbərlər
