“Ümumi dəyərləndirsək, çox yaxşı mövsüm keçirdik. Nəticədə çempion olmağı bacardıq. Əlbəttə, xoşbəxtik. Hazırda hədəf kuboku qazanmaqdı. Sonra isə Çempionlar Liqası üçün yaxşı hazırlaşacağıq. Bu mövsüm 1-ci yeri çıxsaq, 2-4-cü yerlər uğrunda güclü mübarizə keçdi. Müsbət dəyərləndirmək olar. Bu mövsüm yaxşı başlamadıq, hətta bir neçə məğlubiyyət aldıq. Sonradan toparlandıq və xal fərqini artıraraq, 8 tur əvvəldən çempion ola bildik. Sonlara doğru hansı komandanın avrokuboklara vəsiqə qazanacağını demək çətin idi. Çünki xallar çox yaxın və fərq az görünürdü. Bu baxımdan gözlənilməz nəticələr qaçılmaz idi. Ona görə də həm gözlənilən oldu, həm də "Neftçi"nin Avropaya getməməsi gözlənilməz oldu. Hər halda, öz nəticələrimizə fokuslanmalıyıq. Çempionlar Liqasında ötən il buraxdığımız səhvləri aradan qaldırmalıyıq. Bu il turnirdə daha yaxşı nəticə qazanmağı hədəfə almışıq”.