“Təəssüf ki, futbolsevərlər “Fənərbaxça” ilə bağlı fikirlərimdən məhrum qalacaqlar. Çünki mən hazırda “Antalyaspor”un başındayam. “Fənərbaxça”nın uğurları və sərgilədiyi futbol ilə bağlı bir narahtlığım yoxdu. Təbii ki, komandanın oyunlarını izləyirəm. Mourinyonun uğur qazanması üçün onu dəstəkləyirəm. Amma məni indi yalnız “Antalyaspor”un uğurları maraqlandırır. İndi yalnız bunun üçün çalışıram. Tək Mourinyonu yox, “Qalatasaray”da Okan Buruku, “Beşiktaş”da Covanni van Bronkhorstu, “İstanbul BŞ”də Çağdaş Atanı da izləyirəm. Yeni və gənc məşqçi kimi onlardan müəyyən şeylər öyrənməyə çalışıram. Çünki məşqçilik sahəsində çox da təcrübəm yoxdu. Öyrənməli olduğum hələ çox şey var. Onların bütün oyunlarını izləməyə, matçın gedişindəki fikirlərini, addımlarını anlamağa çalışıram. Elə başqa oyunları da izləyirəm. Məsələn, bu yaxınlarda Şenol Günəş “Trabzonspor”un başına qayıtdı. Onların da matçlarını səbirsizliklə gözləyirəm. Amma digər tərəfdən, nəticəni məşqçilərin qərarlarından çox oyunçuların qərarları müəyyənləşdirir. Məşqçi nə qədər komandanı çalışdırır-çalışdırsın, meydanda son qərarı verən futbolçudu. Mən də bütün bunları nəzərə alaraq oyunları izləyirəm”.