Məlum olduğu kimi ''Fənərbaxça''nın əfsanəsi Aleks de Souza bu yaxınlarda ''Antalyaspor''un baş məşqçisi təyin olundu.

“Football-plus.az” xəbər verir ki, məşqçi kimi o qədər də ciddi təcrübəsi olmayan braziliyalı mütəxəssis antalyalılarla ikiillik müqavilə imzaladı. Bu arada Aleksin ağıllı tərpənərək müqaviləyə xüsusi maddə saldırdığı məlum olub. Bilindiyi kimi ''Antalyaspor''un hazırda transfer qadağası var. FİFA tərəfindən borclar üzündən kluba cəza verilib. Məlum olub ki, klub cəzanı aradan qaldırmasa və bu yay heyəti gücləndirə bilməsə, Aleksin müqaviləni birtərəfli qaydada pozmaq hüququ var! Klubun borclarına gəlincə, 5 futbolçu - Erkan Eyibil, Amar Gercaliu, Qustavo Leşuk, Fyodor Kudryaşov və Şerel Floranusa ümumilikdə 1,2 milyon avro ödənilməlidi. ''Antalyaspor'' bu məbləği ödəyəcəyi təqdirdə transfer qadağası aradan götürüləcək.

ƏLİ