"Kəpəz"in Misli premyer-liqasının 6-cı turunda “Araz-Naxçıvan” ilə oyunda zədələnən futbolçusu Yeqor Xvalkovun son durumuna aydınlıq gəlib.

"Football-plus.az" xəbər verir ki, 27 yaşlı müdafiəçi sözügedən görüşün sonlarında mübarizə anında rəqib futbolçu ilə toqquşmadan sonra qıcolma tutması keçirmişdi.

Futbolçunun vəziyyəti yaxşıdı. Xəstəxanaya aparılan oyunçu müvafiq müayinələrdən keçirilib və səhhətində problem aşkarlanmayıb.

Qeyd edək ki, sözügedən görüşdə “Araz-Naxçıvan” 1:0 hesablı qələbə qazanıb.