"Təəssüf ki, Emin Mahmudova yönələn bu şüardan oyundan sonra xəbər tutdum. Kapitanın özüylə görüşdüm, üzrxahlıq etdim, könlünü aldım. O da sağ olsun, böyüklük göstərdi və dedi ki, belə çağırışlardan incimir. Hazırda komandamız uğurlu çıxış etmir. Turnir cədvəlindəki vəziyyət nə bizi, nə də azarkeşləri razı sala bilər. Fanatlarımızın etirazını anlayırıq. Dəfələrlə "Neftçimaniya"ya müraciət etmişik ki, gəlin, oturub söhbət edək, istəklərinizi, təkliflərinizi, narazılıqlarınızı bildirin. Amma onlar qaçıblar. Düşünürəm ki, azarkeşləri alovlandıranlar arasında sifarişlə yazılar yazan "jurnalistlər” də var. Çünki bir ara Emin Mahmudovun komandadan gedəcəyi, hətta Şotlandiya "Harts"ına keçəcəyi haqda xəbərlər tirajlandı. "Neftçimaniya"nın üzvləri də bundan xoflanıblar ki, kapitan meydanda can yandırmır və komandanın uğursuzluğunda əsas pay sahibi odu. Amma əslində Emindən çox can yandıran ikinci futbolçu yoxdu".