Nəhayət, Serxio Ramosun yeni klubu müəyyənləşib.

Məşhur ispaniyalı futbolçu da bir çox həmkarları kimi Asiyaya üz tutacaq.

İspaniya yığmasının və “Real”ın sabiq müdafiəçisi karyerasını Səudiyyə Ərəbistanında davam etdirmək qərarına gəlib. İspaniya mənbələrinin məlumatına görə, 38 yaşlı Serxio tezliklə “Əl-Oruba” ilə müqavilə imzalayacaq. Artıq tərəflər arasında ilkin razılıq əldə olunub.

Ramosun sonuncu klubu “Sevilya” olub. O, bu yay müqaviləsinin müddəti başa çatdığı üçün komandadan ayrılıb.

Ramos ötən mövsüm bütün turnirlərdə 37 matça çıxıb, 7 qol vurub və 1 məhsuldar ötürmə verib.