Serxio Ramos “Sevilya” ilə yolları ayırıb.

İspaniya klubu ilə 38 yaşlı müdafiəçi arasındakı müqavilənin müddəti başa çatıb. “Sevilya”nın yaydığı məlumatda “Serxio Ramosa göstərdiyi fədakarlıq və liderliyə görə təşəkkür edirik, karyerasında uğurlar arzulayırıq” bildirilib.

Qeyd edək ki, “Sevilya”nın yetirməsi olan Ramos bu klubda ilk dəfə 2004-05-ci illərdə çıxış edib. Sonra “Real” və PSJ-nin formasını geyən futbolçu doğma klubuna 2023-cü ilin yayında azad agent kimi qayıtmışdı. O, ötən mövsüm bütün turnirlərdə 37 oyuna çıxıb, 7 qol vurub və 1 məhsuldar ötürmə edib.