“Şahdağ Qusar”ın stadionu nə vaxt hazır olacaq?
Bilindiyi kimi, 2-ci liqa komandalarından “Şahdağ Qusar” da stadion sıxıntısı yaşayır.
Belə ki, doğma stadionu təmirə bağlanan şimal təmsilçisi yenə Şamaxıya üz tutub. Komanda növbəti mövsümdə də köçkün həyatı yaşayacaq. Bəs Qusar stadionu nə vaxt komandanın istifadəsinə veriləcək?
Dəqiq bilıgi almaq üçün “Şahdağ Qusar”ın meneceri Çingiz Abbasova müraciət etdiik. Onun “Football-plus.az”a söylədikləri:
“Bildiyiniz kimi, Şövkət Orduxanov adına Qusar şəhər stadionu təmir-tikinti işlərinə görə bağlı olduğu üçün komandamız ev oyunlarını Şamaxı Olimpiya İdman Kompleksinin stadionunda keçirir. Yeni mövsümə də bu stadionda başlayacağıq. Qusar şəhər stadionunun təmir-tikinti işlərinin gedişində bəzi ləngimələr var. Çox güman, cari mövsümün sonunda və ya növbəti mövsümün əvvəlində stadionumuz tam şəkildə komandamızın ixtiyarına veriləcək”.
RÖYANƏ OĞUZ
