Dekabrın 15-də istirahətə yollanan 2-ci liqa klubları da yaşıl meydana dönür.

Bazar ertəsi - 15-ci turun ilk oyun günündə 3 qarşılaşma baş tutacaq. Birinci oyun liderlər arasında olacaq. “Şahdağ Qusar” mövsümün ilk yarısını lider kimi başa vuran “Baku Sportinq”lə xal fərqini azaltmağa çalışacaq. “Ağdaş” isə “Sheki City”ni qəbul edəcək. Sonuncu pillədə qərarlaşan autsayder “Şəfa” doğma meydanda “Lerik”i məğlub etməyə çalışacaq. Turun qalan oyunları martın 5-də keçiriləcək.

4 mart
Şahdağ Qusar – Baku Sportinq
Şamaxı, Olimpiya İdman Kompleksinin stadionu. Saat 15.00.

Ağdaş – Sheki City
Ağdaş, şəhər stadionu. Saat 15.00.

Şəfa - Lerik
Binə, qəsəbə stadionu. Saat 15.00.
Xal durumu: Baku Sportinq – 37, Cəbrayıl, Şahdağ Qusar – 30,
Füzuli, Qusar – 29, Göygöl – 25, Sheki City – 23, Kür-Araz – 19, Dinamo – 16, Ağdaş – 15, Lerik – 12, Kümrük Qax – 7, Şəmkir – 6, Şəfa – 4.
Bombardirlər: Tural Qurbatov (Şahdağ Qusar) – 21, Vüqar Əşrəfli (Göygöl) – 17.