“Barselona”nın yarımmüdafiəçisi Mark Bernal uzun müddət oynaya bilməyəcək.

O, La Liqanın 3-cü turunun “Rayo Valyekano” ilə keçirilən matçında (2:1) ağır zədə alıb. 17 yaşlı futbolçunun dizinin ön çarpaz bağları zədələnib. Bu barədə klubun mətbuat xidməti məlumat yayıb. Bu səbəbdən Mark bir neçə ay meydana çıxa bilməyəcək. Onun dəqiq sağalma vaxtı tibbi müayinədən sonra məlum olacaq.

Kataloniya klubunun yetirməsi olan Bernal bu mövsüm əsas komandada 3 oyunda iştirak edib.