Mövsümə uğurlu start verən, amma çox qol buraxan ''Beşiktaş''ın müdafiə xəttində ciddi dəyişikliklər gözlənilir.

Belə ki, İstanbul nəhəngi heyətini yeni müdafiəçi ilə gücləndirib. Feliks Uduoxay danışıqları tamamlamaq və tibbi müayinədən keçmək üçün İstanbula gəlib. Rəsmi rəqəmlər hələ açıqlanmasa da, bu transferin ''Qartal''a 5,5 milyon avroya başa gələcəyi gözlənilir. Futbolçuya illik 2 milyon avro maaş veriləcək.

Daha öncə ''Münhen 1860'' və ''Volfsburq''da top qovmuş 26 yaşlı Uduoxay 2019-dan bu yana ''Auqsburq''un şərəfini qoruyurdu. O, karyerasıboyu 252 oyuna çıxaraq 12 qol, 1 məhsuldar ötürmə ilə fərqlənib. Uduoxay ''Beşiktaş''ın bu yay Əmirhan Topçu, Can Keleş, Rafa Silva, Qabriel Paulista, Çiro İmmobile və Şer Ndurun ardından transfer etdiyi 7-ci futbolçu oldu.

Uduoxayın gəlişi ilə Daniel Amarti və Omar Kollinin ayrılacağı gözlənilir. Amartiyə premyer-liqanın debütantı ''İpsviç'' maraq göstərir. Kolli isə PAOK-a keçməyin biraddımlığındadı.

ƏLİ