“Beşiktaş” uzun müddətdi danışıq apardığı Əmirhan Topçunun transferində, nəhayət, istəyinə çatıb.

İspaniya təmsilçisi “Las Palmas”ın da maraq dairəsində olan 23 yaşlı mərkəz müdafiəçisi İstanbul nəhənginə keçməyə üstünlük verib. Bu transfer “Qartal”a 3,4 milyon avroya başa gəlib.

Futbolçunun illik qazancı 600 min avro təşkil edəcək. Əsas mövqeyi müdafiənin mərkəzi olan, amma sol cinahda da oynamağı bacaran solaxay futbolçu ötən mövsüm “Çaykur Rizəspor”un heyətində 32 oyunda forma geyərək aktivinə 1 qol, 4 məhsuldar ötürmə yazmışdı. Maraqlıdı ki, o, yeganə qolunu məhz elə səfərdə “Beşiktaş”la oyunda (2:3) vurmuşdu.