“Ümumiyyətlə, “Zirə” son vaxtlar göstərdiyi performansa görə ümid verir ki, bu rəqibi də üstələyə bilər. Ancaq təbii ki, rəqib güclüdü. Bunun üçün gərək səfər görüşündən sərfəli nəticəylə qayıdaq. Sərfəli nəticə də ən azı heç-heçə etməkdi ki, cütün taleyi ev oyununa qalsın. Hesab edirəm ki, bu baxımdan “Zirə”nin şansı var. Əsas odu ki, səfərdən yaxşı nəticəylə dönsünlər. Rəqib möhkəm, sərt komandadı. Baxmayaraq ki, Kiprin komandasıdı. Amma daim qruplarda çıxış edir. Ona görə də yaxşı sınaqdı. “Zirə” üçün itiriləsi heç nə yoxdu. Önəmli odu ki, komanda rahat şəkildə meydana çıxsın və təzyiq altında olmasın. Psixoloji baxımdan rahat olması bu rəqibi də üstələməyə imkan verəcək”.