“Artıq uzun müddətdi “Zirə”nin oyununu görmürük. Çempionat başa çatandan sonra bir sıra transferlər də reallaşdırıblar. Həmçinin hazırlıq dövrünü necə keçiriblər, bu barədə də məlumatım yoxdu. Bu üzdən də indi hansı səviyyədə olduqlarını deyə bilmərəm. Lakin əmin ola bilərik ki, başlanğıcda hər kəs üçün müəyyən qədər çətinliklər olur. Çünki futbolçular təlim-məşq toplanışından sonra oyunlara köklənməkdə çətinlik çəkirlər. Ümumi götürəndə inanmıram ki, ilk görüşün nəticəsi cütün taleyini həll etsin. İstənilən halda bu matçda böyükhesablı qələbə və ya məğlubiyyət olası deyil. Buna əminəm. Hesab edirəm ki, ilk oyundan sonra cavab görüşü üçün sadəcə, hansınınsa şansı cüzi çox ola bilər. Məsələn, “Zirə” məğlub ola və ya heç-heçə edə bilər. Doğrudu, qələbə qazanmaları bir az çətin görünür. Çünki rəqib təcrübəlidi. “Şerif” yaxşı, eyni zamanda dəyəri milyona çatan futbolçular transfer edib. Bu baxımdan “qartallar”ı çətin oyun gözləyir. Lakin bu o demək deyil ki, cütün taleyi ilk görüşdəcə həll olunacaq. Hər şeyə Bakıdakı qarşılaşmada aydınlıq gələcək”.