“Təəssüf ki, 3 qolla kifayətləndik...” – “Dinamo”nun futbolçusu
“Bu mövsüm avrokuboklardakı ilk oyunumuz olduğunu nəzərə alsaq, nəticədən razı qala bilərik. Əlbəttə, daha böyük hesabla qalib gələ bilərdik. Bir neçə epizodda rəqibin bəxti gətirdi”.
“Football-plus.az” xəbər verir ki, bunu Zaqreb “Dinamo”sunun futbolçusu Marko Pyatsa deyib. ÇL-in pley-off mərhələsinin ilk oyununda “Qarabağ”a qol vuran yarımmüdafiəçinin fikirləri:
“İndi heç kim məndən daha xoşbəxt deyil. Komandamın ilk qolunu vurub azarkeşlərimizlə bayram etmək möhtəşəm hisslərdi. Məncə, son dəqiqələrdə dördüncü və beçinci qolları vura bilərdik. Lakin rəqibin qapıçısı da zərbələri dəf etmək iqtidarında idi. Təəssüf ki, 3 qolla kifayətləndik. Cavab oyununa daha ciddi hazırlaşacağıq. Çünki “Qarabağ” ən kiçik boşluqlardan məharətlə istifadə edən komandadı”.
KƏNAN BAHADIR
Digər xəbərlər
