Yan Zommer beynəlxalq karyerasını başa vurub. O, bundan sonra İsveçrə yığmasında çıxış etməmək qərarına gəlib.

“İnter”in qapıçısı barədə İsveçrə Futbol Federasiyasının saytı məlumat yayıb. 35 yaşlı futbolçu milli komandada olduğu müddətdə dəstəyə görə komanda yoldaşlarına, məşqçi heyətinə, azarkeşlərə və ailəsinə təşəkkür edib.

Yan İsveçrə millisində 2012-ci ilin mayında 23 yaşında olarkən Rumıniya ilə yoldaşlıq oyununda (0:1) debüt edib. O, bu komandada ümumilikdə 94 oyunda meydana çıxıb və 92 qol buraxıb. Zommerin 35 oyunda qapını toxunulmaz saxladığını da bildirək.