“O, qız kimi tərbiyə olunan gənc qadındı” - Xəliflə bağlı söz-söhbət davam edir
Paris Olimpiadasından sonra bütün dünyaya səs salan əlcəzairli boksçu İman Xəlifin fiziki hazırlıq üzrə məşqçisi Jorj Kasorla bildirib ki, idmançı həqiqətən qadındı:
“O, qız kimi tərbiyə olunan gənc qadındı. İmanın cəzalandığı, 2023-cü ildə keçirilən dünya çempionatından sonra mən təşəbbüs göstərdim, Parisdəki Kremlen-Bisetr universitet xəstəxanasının endokrinoloqu ilə əlaqə qurdum. Həkim İmana baxandan sonra kariotipə və testosteronun səviyyəsinə rəğmən, onun qadın olduğunu təsdiqlədi. Həkim mənə belə dedi: “İmanın hormonları və xromosomlari ilə bağlı problem var, ancaq o qadındı. Bizim üçün ən önəmli məqam bu idi”.
Xatırladaq ki, son Olimpiadada Xəliflə bağlı ciddi qalmaqal yaşanıb. 2023-cü ildə Beynəlxalq Boks Assosiasiyası gender testindən keçə bilmədiyinə görə onu dünya çempionatından uzaqlaşdırmışdı. Bu qurum İmanda XY xromosomu aşkar etmişdi, bu xromosom isə kişi orqanizminə malik olmağın əlamətidi. Ancaq Beynəlxalq Olimpiya Komitəsi İmanı qadınlar arasında turnirə buraxdı. Əlcəzairli turnirin gedişində onun kişi olduğunu iddia edən tamaşaçıların və rəqiblərinin nifrət dolu mesajları ilə üzləşdi. Avqustun 14-də isə Paris prokurorluğu Xəlifin internetdə ləkələmə kampaniyasına mərus qalmasıyla bağlı şikayətindən sonra təhqiqata başlayıb.
Digər xəbərlər
