Cerdan Şakiri “Çikaqo Fayr”dakı işini itirib. ABŞ klubu İsveçrə millisinin yarımmüdafiəçisi ilə yolları ayırıb.

Klubun rəsmi saytının yaydığı xəbərə görə, 32 yaşlı futbolçu ilə müqaviləyə xitam verilib. Şakiri Çikaqo klubuna 2022-ci ilin fevralında transfer olmuşdu. O, MLS-in cari mövsümündə 12 oyun keçirib, 2 qol vurub və 1 məhsuldar ötürmə verib.

Artıq onun yeni iş yeri məlumdu. Yarımmüdafiəçi yetirməsi olduğu “Bazel”ə qayıdıb. İsveçrə klubunun rəsmi saytı Şakiri ilə 3 illik müqavilə imzalandığını açıqlayıb. Qeyd edək ki, 2009-12-ci illərdə “Bazel”də çıxış edən Cerdan “Bavariya”, “İnter” və “Liverpul” kimi böyük klublarda da oynayıb.