"Sent Patriks" Konfrans Liqasının 3-cü təsnifat mərhələsinin cavab matçında "Sabah"ı məğlub etdi - 1:0.

"Football-plus.az" xəbər verir ki, İrlandiya təmsilçisinin baş məşqçisi Steven Kenni oyundan sonra keçirilən mətbuat konfransında jurnalistlərin suallarını cavablandırıb.

- Oyunçularımla fəxr edirəm. İlk oyunda qələbə qazansaq da, favorit rəqib idi. Buna baxmayaraq, oyunçularımın qəhrəmanlığı sayəsində qələbə qazandıq. Komandamı təbrik edirəm.

- "Sabah"ın baş məşqçisi kollektivinin daha yaxşı çıxış etdiyini dedi. Bu fikirlə razısız?
- Rəqib daha yaxşı başlamışdı. Bəzi məsələlər istədiyimiz kimi çıxış etməyimizə imkan vermirdi. Amma nəticə göstərir ki, biz daha yaxşı oynamışıq.

- Sizcə, hər iki oyunda qırmızı vərəqənin olması nəticəyə təsir etdi?
- İlk oyunda yox, amma ikinci matçdakı "qırmızı"nın təsir etdiyini düşünürəm.

KƏNAN BAHADIR