"Hücum üstünlüyü yaratmağa çalışacağıq" - Stefan Kenni
“Sabah”ın həm müdafiədə, həm də hücumda yaxşı oyunçuları var. Düşünürəm ki, ilk növbədə oyuna nəzarəti ələ almalıyıq".
"Football-plus.az" xəbər verir ki, bu sözləri Konfrans Liqasının 3-cü təsnifat mərhələsinin ilk oyunu çərçivəsində "Sabah"la qarşılaşacaq “Sent Patriks”in baş məşqçisi Stefan Kenni oyunöncəsi mətbuat konfransında deyib.
İrlandiya klubunun çalışdırıcısı "Sabah"ın güclü rəqib olduğunu, ancaq müdafiə olunmaq fikirlərinin olmadığını bildirib:
"Müdafiədən oynamaq fikrimiz yoxdur. Düzdü, bəzən güclü komandalar sizi tez-tez arxada qalmağa məcbur edir və müdafiə olunursunuz. Bu oyunda da bəzi anlarda belə olacağını düşünürəm. Amma ümumilikdə müdafiəyə çəkilməyi fikirləşməyəcəyik. Hücum üstünlüyü yaratmağa çalışacağıq".
Kenni "Sabah"ın çox yaxşı heyətə malik olduğunu vurğulayıb:
“Sabah”ın maraqlı oyunçu profili var. Onların dörd hücumçusu slovakiyalı, yamaykalı, almaniyalı və nigeriyalıdı, yarımmüdafiə xəttində xorvatiyalı, müdafiədə isə ispaniyalı futbolçu yer alır. Onların kluba sərmayə qoyduğu göz qabağındadı. "Sabah"ın hücum xətti çox yaxşı və istedadlı futbolçulardan təşkil olunub".
Digər xəbərlər
