''Qalatasaray''ın iki üzvü Derrik Kön ilə Kərəm Aktürkoğlunun klubdakı gələcəyi hələ də qeyri-müəyyəndi.

Xəbər verdiyimiz kimi ''Spartak'' bu günlərdə iki futbolçuya görə ''Qalatasaray''a ''20+2'' milyon avro təklif etmişdi. Hətta Kərəmin meneceri Vilyam D'Avila klublar arasında anlaşma əldə olunduğunu da bildirmişdi. Amma hər iki transferdə ayrı-ayrı maneələr yaranıb. Məsələn, məlum olub ki, Almaniya hökuməti öz futbolçularının Rusiya premyer-liqasında oynamasını istəmir. Ona görə də almaniyalı Kön düşünmək üçün vaxt istəyib. ''Spartak'' futbolçuya 48 saat vaxt verib. Kərəm Aktürkoğlu isə maaş məsələsində heç cür Moskva nəhəngi ilə anlaşa bilmir. Futbolçu illik 4 milyon avro istədiyi halda ruslar maksimum 3 milyon avro təklif edir. Bu üzdən danışıqlar düyünə düşüb. Hətta menecer D'Avila Rusiya mətbuatında verdiyi son açıqlamada əvvəlki sözlərini təkzib edərək heç kimlə danışıqlar aparmadığını bildirib.

Həm Kön, həm də Aktürkoğlu dünən Türkiyə çempionatının 1-ci turunda ''Hatayspor''a qarşı oyunda meydana çıxdı.

ƏLİ