''Spartak'' belə görünür, ''Qalatasaray''ın birdən-birə iki futbolçusunu transfer etməyə çalışır.

Son günlər iddia edilirdi ki, Moskva nəhəngi almaniyalı sol müdafiəçi Derrik Könə görə İstanbul nəhənginə 10 milyon avro təklif irəli sürüb. Amma ''ağ-qırmızılar'' təklifi yeniləyiblər. Onlar Kön ilə yanaşı Kərəm Aktürkoğlunu da istəyirlər və bunun qarşılığında ''20+2'' milyon avro ödəməyə hazırdılar. Bu məbləğin 13 milyon avroluq qismi Kərəm, ''7+2'' milyon avroluq qismi Kön üçün nəzərdə tutulub. Bu arada Aktürkoğlunun meneceri Villiam D'Avila klublar arasında artıq anlaşma əldə olunduğunu açıqlayıb: ''Qalatasaray''la ''Spartak'' arasında Kərəmin transferi baxımından danışıqlar uğurlu şəkildə bitib. Amma Kərəmin şəxsi istəkləri hələ ki, ''Spartak'' tərəfindən qarşılanmır.

Kərəm Moskva klubunda oynamağın əleyhinə deyil. Ancaq onunla klub arasında şərtlər dəqiqləşməlidi''. Rusiya mətbuatının yazdığına inansaq, söhbət illik maaşdan gedir. 25 yaşlı vinger ruslardan illik 4,5 milyon avro tələb edir. ''Spartak'' isə ona illik 3 milyon avrodan artıq maaş vermək istəmir.

Qeyd edək ki, 2020-ci ildə pulsuz ''Qalatasaray''a gələn və klubun son illərdəki uğurlarında böyük pay sahibi olan Aktürkoğlu 174 rəsmi oyunda 44 qol, 39 məhsuldar ötürməlik performans sərgiləyib.

ƏLİ