“Sabah səhvsiz oynamağa çalışacağıq”
Sabah Konfrans Liqasının 3-cü təsnifat mərhələsinin cavab matçında “Neftçi” “Beşiktaş”ın qonağı olacaq.
“Football-plus.az” xəbər verir ki, matçdan öncə təmsilçimizin futbolçusu Yuri Matias mətbuat konfransında iştirak edib. Sizi müdafiəçinin fikirləri ilə tanış edirik:
“Bilirik ki, sabah bizi çox çətin oyun gözləyir. Rəqib güclüdü. Amma çox xoş hisslərdi ki, bu cür rəqiblə oynayacağıq. Futbolda hər şey mümkündü. Sabah əlimizdən gələni edəcəyik ki, sərfəli nəticə qazanaq”.
- İlk oyundakı qolları müdafiə səhvlərindən buraxdınız. Sabahkı oyunda eyni hallar təkrarlanmayacaq?
- Deməzdim ki, təkcə müdafiə səhvi idi, ümumi komanda səhvlərindən buraxdıq. Unutmalı deyilik ki, ikinci hissədə nə qədər qol epizodları yaratdıq ki, ən azından bərabərlik əldə edək. Əlbəttə, açıq-aşkar göründü ki, buraxdığımız qollar birinci oyunun nəticəsini həll etdi. Bilirik və dərk edirik. Sabah çalışacağıq ki, səhvsiz oynayaq.
Digər xəbərlər
