“Bütün planlarımız alt-üst oldu” – “Sektor-56” komandanı nə üçün yalqız qoyduğunu izah etdi
Elitaya dönən “Şamaxı” çempionatın ilk turunda “Sabah”la qarşılaşdı.
“Football-plus.az” xatırladır ki, oyunun Şamaxıda keçirilməsi nəzərdə tutulsa da, Konfrans Liqasında mübarizə aparan “Sabah”ın xahişi ilə yeri dəyişdirildi. Birinci turda səfərdə oynamalı olan bölgə təmsilçisi əsas azarkeş qrupu “Sektor-56”nın dəstəyindən məhrum oldu. “Sektor-56” komanda yenidən premyer-liqaya döncəyi halda boykotu dayandıracağını bildirmişdi. Fanklub hətta 1-ci liqada çempionluq yolunda “Qaradağ Lökbatan”la önəmli səfər matçında da tribunadakı yerini almışdı. Görəsən, indi dəyişən nədi? Yəni klubla “Sektor-56” arasındakı buzlar hələ də əriməyib? Fanklubun rəhbəri Loğman Məlikli ilə danışdıq:
“Həqiqətən də mövsümün ilk oyunu bizim üçün önəmli idi. Bu üzdən də “Sabah”la görüşə fərqli hazırlşmışdıq. Bilindiyi kimi, matçın keçiriləcəyi yer son günlərdə dəyişildi. Ona görə də bütün planlarımız alt-üst oldu. Biz də komandanı tək qoymalı olduq. Demək olar ki, komanda ilə incikliyimiz aradan qalxıb. İnşallah, çalışacağıq ki, növbəti turlarda onun yanında olaq”.
Xatırladaq ki, “Sabah” – “Şamaxı” matçı 2:2 hesabla yekunlaşıb.
KAMAL SƏFƏR
Digər xəbərlər
