''Fənərbaxça'' ''Lill'' ilə oyuna hazırlığını davam etdirir.

İstanbul nəhəngi bu gün Çempionlar Liqasının 3-cü təsnifat mərhələsində Fransada ''Lill'' ilə qarşılaşacaq. ''Lill''in ev oyunlarını keçirdiyi ''Pyer Marua'' stadionunda Olimpiya oyunları keçirildiyindən sözügedən qarşılaşma ''Valansyen''in stadionu sayılan ''Stad de Eno''da baş tutacaq.

Oyunu rumıniyalı hakim İştvan Kovaç idarə edəcək. Bu ədalət təmsilçisi Türkiyə futboluna maraq göstərənlərə yaxşı tanışdı. Belə ki, son Avropa Çempionatının qrup mərhələsində Türkiyənin Çexiyanı 2:1 məğlub edərək pley-offa vəsiqə qazandığı oyunu məhz o idarə etmişdi. Həmin oyun vərəqələrin sayına görə AÇ tarixinə düşmüşdü.

Belə ki, Kovaç 11-i Türkiyəyə, 9-u Çexiyaya olmaqla ümumilikdə 20 sarı vərəqə göstərmişdi. Çexlər həmin oyunda 20-ci dəqiqədən etibarən azlıqda qalmışdılar. Kovaç konkret ''Fənərbaxça''nın isə indiyə qədər yalnız bir oyununu idarə edib. 2016/17-də Avropa Liqasının qrup mərhələsində İstanbul nəhəngi məhz bu hakimin idarəçiliyi altında səfərdə Ukrayna təmsilçisi ''Zorya'' ilə 1:1 bərabərə qalmışdı. Həmin vaxt ''Fənər'' Simon Kyaerin əsas vaxta əlavə olunmuş 6-cı dəqiqədə vurduğu qolla məğlubiyyətdən qurtulmuşdu.

ƏLİ