Deyəsən Əmirhan İlkhan tezliklə Türkiyəyə qayıdacaq. O, karyerasını ''İstanbul BŞ''də davam etdirməyə yaxındı.

"Football-plus.az" xəbər verir ki, başakşəhərlilər ilə ''Torino'' arasında gənc vingerin birillik icarəsi ilə bağlı anlaşma əldə olunub. ''A Spor''un iddiasına görə keçid tamamlanmaq üzrədi.

Xatırladaq ki, Əmirhan İlkhan ''Beşiktaş''ın yetirməsidi. Ulduzu 2021/22-nin 2-ci dövrəsində parlayan 19 yaşlı futbolçu ötən yay gözlənilmədən 4,5 milyon avroya ''Torino''ya yollandı. Bu satış ''Qartal'' camiəsində birmənalı qarşılanmadı. Amma zaman göstərdi ki, təcrübəsiz Əmirhan üçün gənc yaşda Avropaya yollanmaq heç də yaxşı qərar olmadı. ''Torino''da çox tez gözdən düşən və ötən mövsümün ikinci dövrəsini icarə əsasında ''Sampdoriya''da keçirən Əmirhan burda da özünü göstərə bilmədi. Nəticədə o, bütün mövsüm ərzində 12 oyuna çıxaraq ümumilikdə cəmi 190 dəqiqə meydan oldu. Aktivinə nə qol yaza bildi, nə də məhsuldar ötürmə.

ƏLİ