Xulian Alvares komandasındakı durumundan narazıdı.

O, “Mançester Siti”də qalmaq istəmir. Argentinalı hücumçu jurnalistlərə açıqlamasında oyun praktikasının azlığından şikayətlənib. “Qarşıdakı günlərdə mənə nə lazım olduğuna qərar verməliyəm. Baxarıq, görək başımıza nə iş gələcək...” deyən dünya çempionu son mövsümdə İngiltərə çempionatında meydana çıxdığı 36 oyunda 11 qol vurub.

Alvares MS-də 2022-ci ilin yayından çıxış edir. O, İngiltərə klubuna “River Pleyt”dən transfer olunub.