“Mançester Siti” heyətinə yeni növbəti argentinalı futbolçu qatacaq.

İnsayder Fabritsio Romanonun məlumatına görə, İngiltərə klubu “River Pleyt”in hücumameyilli yarımmüdafiəçisi Klaudio Eçeverrini transfer edəcək. 17 yaşlı futbolçunun transferi ilə bağlı danışıqlar sürətlə davam edir. Tərəflər arasında anlaşmanın tezliklə rəsmiləşəcəyi bildirilir. MS-nin Argentina klubuna 22,7 milyon avro ödəyəcəyi bildirilir. Lakin Eçeverri 18 yaşına çatmadığına görə Avropada oynamaq üçün 6 ay gözləməli olacaq.

Buna baxmayaraq, “Siti” rəhbərliyi Klaudionu transfer edib 6 aylığa “River Pleyt”ə icarəyə göndərməyi düşünür. Yeri gəlmişkən, İngiltərə nəhəngi bundan əvvəl Buenos Ayres klubundan hücumçu Xulian Alvaresi transfer edib.