Alvares ''Siti''dəki durumundan gileyləndi
''Mançester Siti''nin argentinalı forvardı Xulian Alvares klubdakı durumundan narazı olduğuna işarə vurub.
“Football-plus.az” xəbər verir ki, 24 yaşlı hücumçu ''Siti''də irəlidə Erlinq Holannla rəqabət aparır və bəzən ehtiyatda qalır. Alvaresi dinləyək:
''Düzdü, geridə qoyduğumuz mövsüm dəqiqə baxımından ''Siti''də ən çox oyun keçirənlərdən biri oldum. Amma bir sıra vacib oyunlarda ehtiyatda qaldım. Bu da mənim xoşuma gəlmir. Çünki komandanın qələbələrində mən də rol oynamaq istəyirəm. Tələsmək istəmirəm. Bir qədər düşündükdən sonra özüm üçün ən yaxşı varianta üstünlük verəcəm''.
Bu yay Alvaresin ''Mançester Siti''ni tərk edə biləcəyi haqda çoxlu xəbərlər gəzir. Ona ''Atletiko'' və PSJ maraq göstərir. Dünya çempionu statusunda olan futbolçunun transfer dəyəri 90 milyon avro civarında qiymətləndirilir. ''Siti'' ilə 2028-ə qədər müqaviləsi olan forvard ötən mövsüm 54 rəsmi oyunda iştirak edərək 19 qol, 13 məhsuldar ötürməlik performans sərgiləyib.
ƏLİ
Digər xəbərlər
